МагъчIваялъе рес

Пакистналда автоавариялда хун вуго 57 чи


Пакистаналъул Карачи шагьаралда гIагарлъухъ гьатIан къоялда гIадамал рекIараб автобус нарт бачIчIулев автомашинаялда кьабиялъул хIасилалда хун вуго 57-ялдаса цIикIкIун чи. Гьезда гьоркьор руго руччабиги лъималги. Цоцазда кьабун хадуб кIиябго машинаялда цIа рекIун буго.

Тохтурзабаз лъазабулеб буго хваразул къадар дагьабги цIикIкIине рес бугин, щайгурелъул гьенир рухIарал жаназабазул хутIелал тIуранго рухIун ва цоцалъ журан ругин, гьединлъидал, гьел щалали ДНК-ялъул анализ гьабун гурони лъазе гьечIин.

Лъазабулеб буго жанив 60 ва тIад жеги чанго чи рекIун вукIарав автобус хъамун унеб букIанин ва нартил цIураб автомашинаялда речIчIанин. Нухмалъиялъул щаклъи буго автоцистерна бачунев вукIарас нухлул низам хвезабун батиялда. Автобус унеб букIун буго Карачиялдаса Шикарпуралде.

Араб соналъул ноябралдаги Пакистаналъул Синд провинциялда автобусалъ авария гьабидал хун вукIана 58 чи.

XS
SM
MD
LG