Россиялъул къватIисел ишазул министр Сергей Лавровас лъазабуна Украиналъ НАТОялде гъорлъе лъугьине гьабулеб хIаракаталдаса Европаялъеги хIинкъи бугин.
25 декабралда телевидениялдаса кIалъалаго, гьес абуна, Украиналъул НАТОялде гъорлъе лъугьаналъул идеялдаса хIинкъи бугин жибго Украиналъул халкъалъе, щайгурелъул халкъалъул цолъи гьечIелъулин. Гьебин абуни, кколин Европаялъеги ургъел баккизабулеб хIужжайин. Лавровас абуна гьединго, Киевалъул НАТОялде гъорлъе лъугьиналъул цебелъей Магърибалъ хIалтIизабулеб бугин Россиялдаги Украиналдаги гьоркьоб конфронтация хIалуцинабиялъул мурадалдайин.