Цолъарал Штатазул 43-билев президент Джордж Уокер Бушица CNN телеканалалъе интервью кьолаго, жиндир вац Джордж Эллис Буш ахIана 2016 соналда рукIине ругел президентасул рищиязда кандидат хIисабалда гIахьаллъи гьабиялде.
Исана апрель моцIалда Флоридаялъул вукIарав губернатор Джон Эллис Буш – гьесда гьединго Джеббаги абула – лъазабуна ахирисеб хIукму жинца гьабизехъин бугин исана сон ахиралде щвезегIан. Гьев ккола Республиканияб партиялъул вакил.
Гьев тIадехун рехсарав кIиявго вацасул эмен Джордж Герберт Буш 1989 соналдаса байбихьун 1993 сон щвезегIан вукIана Америкалъул 41-абилев президентлъун. ГьабсагIат гьесие тIубана 90 сон.