Еврокомиссиялъул президент Жан-Клод Юнкерица ва Болгариялъул премьер-министр Бойко Борисовас хамис къоялда лъазабуна «Жанубияб чваххи» абураб газил рогIоро баялъул проекталдаса инкар гьабиялъул бицине гьанжеги заман щун гьечIин.
Гьединаб къагIидаялда гьез жидерго реакция загьир гьабуна Россиялъул президент Владимир Путиница гьеб проекталдаса инкар гьабизе бугин абураб лъазабиялде.
Юнкерил рагIабазда, Россия жакъа ккола стратегияб проблема. Амма гьес загьир гьабуна Россия цIидаса стратегияб партнерлъун лъугьине букIиналъул хьул.