Украиналъул президент Петр Порошенкоца премьер-министрасул хъулухъалда тасдикъ гьавун вуго Арсений Яценюк.
Гьелдаса цебе Яценюкил рахъ ккун букIана цIияб ТIадегIанаб радаялъул тIоцебесеб данделъиялдаги.
Спикерлъун вищун вуго Владимир Гройсман. Гьев вуго Петр Порошенкол Блокалдаса депутат.
Коалициялъул данделъиялдаса хадуб гьес абуна цIияб хIукуматалда щал рукIине ругелали бачIунеб талат къоялда лъазабизе бугин.
Коалициялде гъорлъе унел руго Петр Порошенкол Блокги, Халкъияб фронтги, "Самопомичги", " Олега Ляшкол Радикалияб партияги ", "Батькивщина" партияги.
ТIадегIанаб Радаялъул 8-билеб ахIиялъул данделъи байбихьана Украиналъул машрикъалъул рахъалда хварал бахIарзал ракIалде щвезариялъул сихIкъотIиялъул минуталдасан.