Россилъул президент Владимир Путиница ТАСС агентлъиялъе интервью кьолаго, абуна, жиндир хиял гьечIин гIумруялъго президентлъун вукIине. «Гьеб улкаялъеги квещ буго, диеги къваригIун гьечIо», - ян абуна гьес. Цого мехалъ Владимир Путиница нахъ чIвачIо жиндир хиял 2018 соналда рукIине ругел президентасул рищиязда гIахьаллъизе.
Магърибалъулгун Россиялъул гьоркьобакI квещлъулеб букIиналда бан, Путиница абуна Москваялъ маххул пардавалъул политика хIалтIизабизе гьечIин, гьединаб политикаялъул зарал бичIулаго.
Аммаила, тIаде жубана Россиялъул президентас, «КIудияб анкьилабалъулгун» бухьенал гьогьомлъун рукIиналъ Россиялъул рахIат хвезабулеб гьечIин. Крымалъул суалалда бан, Владимир Путиница абуна жиндир ракI чIун бугин жив ритIухъ вукIиналда.