МагъчIваялъе рес

П.Порошенко: Украина рагъде хIадураб буго


Украина хIадураб буго бищун квещаб сценариялде, хасго Россиялъулгун тIубараб рагъде, ян лъазабуна Украиналъул президент Петр Порошенкоца Германиялъул Bild абураб журналалъе интервью кьолаго.

Порошенкоца Россиялде гIунтIизабуна Минскалда гьабураб маслихIаталъул къотIи-къаялъул шартIал хвезариялъул гIайиб.

Гьес гьединго абуна Кремалъ цебеккунго ургъун Донбассалда ахIвал-хIал хIалуцинабулеб бугин.

Жидее рагъ бокьун гьечIин, жидеца кIудияб хIаракат бахъулеб бугин рекъел цIунизе, амма Россиялъ, гIаксалда, низам сан гьабулеб гьечIо, ян абуна ахиралда Петр Порошенкоца.

XS
SM
MD
LG