МагъчIваялъе рес

"Эхо Мoсквы" радиоялъул бетIерав редактор хъулухъалдаса махIрум гьавизе рес буго


«Эхо Москвы» радияолъул ва гьелъул бетIерав редактор Алексей Венедиктовасул рахъ кквезе хIукму гьабуна РПР-ПАРНАС партиялъ.

Гьелъул хIакъалъулъ лъазабуна партиялъул лидеразул цояв Борис Немцовас.

Рузман къоялъ маркIачIуда загьир гьабуна «Эхо Москвы» радиоялъул директорзабазул мажлисалъул гIахьалчагIаз бетIерав редакторасда, радиоялъул журналистазда ва къватIибе информация кьеялъул форматалда хурхун гьаркьал кьей планалда букIиналъул хIакъалъулъ информация.

«Эхо Москвы» сайталда лъун буго директорзабазул мажлисалъул нухмалъулев Михаил Лесиница гъулбасараб гьединаб лъазаби.

РБК абураб интерент-сурсаталъул лъазабиялда рекъон, Лесиница лъазабун буго Алексей Венедиктов хъулухъалдаса махIрум гьавиялъул рес бугин.

Гьелъие багьаналъун лъугьун буго Венедиктовас журналист Александр Плющев хъулухъалдаса вахъизе инкар гьаби.

XS
SM
MD
LG