Бакуялда Азербажаналъул демократиял къуватазул Националияб Шураялъ гьатIан къоялда тIобитIулеб букIана гражданияб жамгIият гIуцIиялъе ва тIалъиялъул тIадецуялде данде манифестация.
Гьелъул гIахьалчагIаз стадионалде ракIарун лъазабулеб букIана гражданиял активистал жанир тIамиялда жидерго разилъи гьечIолъи ва тIалаб гьабулеб букIана политикиял туснахъал эркен гьаризе.
Ахирал моцIазда Азербажаналда жанив тIамун вукIана чано активист, гьездаго гьоркьор Лейла Юнусги гьелъул росги. Гьезул рахъ кколез рикIкIунеб буго гьезда сундулго гIайиб гьечIин ва гьел политикиял гIиллабазда бан жанир тIамун ругин.
Халкъаздагьоркьосел инсанасул ихтиярал цIунулезги загьир гьабулеб буго гьезул рахъ кколеб букIиналъул ва абулеб буго Азербажаналъе бокьун гьечIин къанун цIунизе ай адвокаталгун дандчIвазе жанир тIамуразул бугеб ихтияр цIунизейин.