Цолъарал Миллатазул ГIуцIиялъ, Евроцолъиялъ ва Цолъарал Штатаз какулеб буго Украиналда ругел Россиялехун руссарал сепаратистазул хиял 2 ноябрялда Донецк ва Луганск икълимазда рищиял тIоритIизе. Цолъарал Миллатазул ГIуцIиялъул генералияв секретарь Бан Ги Муница лъазабуна гьадинал рищиял Украиналъул конституциялде данде кколарин, гьединлъидал сепаратистаз бахъулеб хIаракат ракълилаб процесс хвезабулеб бугин.
Гьеб гьединго хвезабулеб бугин 5 сентябрялда Минскалда гьабураб ракълилаб къотIи.
Талат къоялъ Цолъарал Штатазул Пачалихъияв секретарь Джон Керрица абуна Америкалъги халкъаздагьоркьосеб жамагIаталъги пуланал сепаратистазул рищиял тасдикъ гьабизе гьечIин гьел Украиналъул къануназде данде ккезе гьечIони.