Америкалъул тIадтараз хIукму гьабуна Вашингтоналда ругел хIукуматалъул минабазда сверухъ хIинкIи гьечIолъиялъул шартIал шулалъизаризе.
ГIиллалъун лъазабун буго террористаз кьолеб хIинкъи.
Гьадин лъазабуна Цолъарал Штатазул жанисеб хIинкъи гьечIолъиялъул министр Джей Джонсоница. МухIканлъи лъазабун гьечIо.
Джонсонил рагIабазда рекъон террористаз ахIи балеб буго низам цIунулезда гьужумал гьариялде.
Гьединго хIисабалде босун буго араб анкьида Канадаялда гьеб улкаялъул гражданинлъун кколев радикалияб бербалагьи бугев цо бусурбанчияс гьабураб теракт.