Туркиялъул президент Ражаб ТIайгьип Эрдогьан официалияб сапаргун вачIун вуго Афгъанистаналде. Гьев данделъизехъин вуго Афгъанистаналъул президент Ашраф Гъанигун ва цогидал тIадегIанаб даражаялъул пачалихъиял хъулухъчагIазулгун ва гьездаго цадахъ гьабизехъин буго Туркиялъулгун Афгъанистаналъул стратегикияб рекъон хIалтIи гьабиялъул къотIи-къай.
Эрдогьан гьединго вачIине вуго Афгъанистаналда турказул аскарияз чIей гьабулеб бакIалде ва гIахьаллъила Туркиялъул гIарцул кумекалдалъун гьениб бахъараб нух рагьиялъул тадбиралда. Туркиялъул гIага-шагарго 400 аскарияв гьенив вуго халкъаздагьоркьосеб коалициялда гъорлъ.