МагъчIваялъе рес

НАТОялъ лъазабулеб буго Россиялъул рагъулал Украиналдаса нахъе унел ругин


НАТОялъул вакиль подполковник Джей Джанзеница лъазабуна, Шималияб Атлантикаялъул альянсалда бихьулеб бугин, Украиналдаса Россиялъул рагъулазул кIудияб къадар нахъе бачунеб букIинин.

Гьелдаго цадахъ Украиналъул террриториялда Россиялъул рагъулазул цо бутIа хутIулеб бугин ва гьелъул къадар кинаб бугебали чIезабизе рес гьечIин.

Джанзеница гьединго абуна, Украиналда загьирлъулеб бугин Россиялъул рагъулазул хасаб къокъаялъул хIаракатчилъиян ва гьелдаго цадахъ Украиналъулгун гIорхъода аскIоб чIезабун бугин рагъулал бутIабазул кIудияб къадарин.

НАТОялъул вакиласул рагIабазда, сепаратистазухъ буго чанго контролалъул пункт.

Гьелъ Россиялъул рагъулазе рес кьолеб буго контроль гьечIого жидеего бокьараб мехалда Украиналъулгун гIорхъи бахине.

Москваялъ нахъ чIвалел руго Украиналъул нухмалъиялъул ва Магърибалъул цо-цо политиказул Украиналъул сепаратистазул рахъ кколеб букIиналъул ва Украиналъул территориялда россиялъул къуватал рагъулел рукIиналъул гIайибал.

XS
SM
MD
LG