МагъчIваялъе рес

КъотIи-къаязде балагьичIого, Украиналда ахIвал-хIал хутIулеб буго хIалуцараблъун


Кьвагьдей гьоркьоб къотIизабиялда хурхараб къотIи-къаялде балагьичIого, Украиналъул машрикъалъул рахъалда ахIвал-хIал хутIулеб буго хIалуцараблъун.

Гьелъул хIакъалъулъ бицунеб буго Украиналъул армиялъул сепаратисзтазде данде операция тIобитIулел къуватазул пресс-централъ.

Гьелъул лъазабиялда абулеб буго сепаратистаз Украиналъул рагъулазул позициязда кьаби швезаби халат бахъинабулеб бугин.

ХIукуматалъул къуватазул блокпостазда гьез кьабиял щвезарунин артиллерия ва минеметаал хIалтIизарунин Луганск областалъул Макаров шагьаралда аскIоб. Гьелъулго хIакъалъулъ хъвалеб буго УНИАН агентлъиялъги.

Гьелъул информациялда рекъон, сепаратистал гьединго кьвагьдун руго Донецк областалда ругел рагъулазул 24 позициялдаги.

Рагъулаб операциялъул пресс-централъул лъазабиялда рекъон, тунка-гIусиязда сепаратистазул хун вуго 40 чи. Рагъулазул камиязул хIакъалъулъ лъазабулеб гьечIо.

XS
SM
MD
LG