МагъчIваялъе рес

Косовоялда аресталде гъоркье восун вуго 15 имам


«Исламияб пачалихъ» ва «Аль-Нусра Фронт» абурал экстремистяил гIуцIабазде гъорлъе лъугьиналде этникиял албаниял гьесизариялъул гIахIаллъи букIиналъул гIайиб гIунтIизабун, Косовоялда аресталде гъоркье восун вуго машгьурал диниял хIаракатчагIазул 15 чи.

Аресталде гъоркье росаразда гъорлъ рагIула Приштинаялъул мажгиталъул имам Шефкет Красничи, Митровице, Пече ва цоги шагьаразул мажгитазул имамал.

Гьелъул хIакъалъулъ нижер радиоялъе лъазабуна Косовоялъул нухмалъиялъ. Аресталде гъоркье восун вуго гьединго «Исламияб цолъи» абураб багъа-башариялъул лидер Фауд Рамичи.

Низам цIунулел идарабаз рикIкIунеб буго ккураздаса хIинкъи бугин конституциялъ чIезабураб статусалъейин ва Косовоялъул хIинкъигьечIлъиялъе.

ГIолохъаби радикалиял исламистазул гIуцIабазде гъорлъе лъугьиналде гьесизариялъул хIалтIи гьабиялъул щаклъи букIун августалдаги Косовоялда ккун вукIана 40 чи.

XS
SM
MD
LG