МагъчIваялъе рес

Львовалда тIоритIулел руго халкъазда гьоркьосел рагъулал ругьунлъиял


«Хехаб лъабгIучI» абурал халкъаздагьоркьосел ругьунлъиял байбихьана итни къоялда Украиналъул Львов регионалда.

Гьелда гIахьаллъулел руго 15 улкаялдаса, гьездаго гъорлъ, Цолъарал Штатаздаса, Германиялдаса, Британиялдаса, Канадаялдаса 1300 рагъулав. Гьел халат рахъине руго 26 сентябралде щвезегIан ва гьезда гIахьаллъизе буго техникаялъул кIудияб къадар.

Араб арбагI къоялда ЧIегIераб ралъдалъ рагIалде рахъана Цолъарал Штатазулгун Украиналъул рагъул флотазул «Си Бриз-2014» абурал ругьунлъиял.

НАТОялъул къуваталъул къадар Росссиялъул гIорхъабазда аскIоб цIикIкIунеб букIиналда бан Москваялъ загьир гьабуна жиндирго ургъел.

Россиялъул къватIисел ишазул министерлъиялъ лъазабуна гьединго гьел маневраз Украиналда рекъел ва парахалъи чIезабиялъе раккарал шансазе хIинкъиял раккизарулел ругин.

XS
SM
MD
LG