Украиналъул премьер-министр Арсений Яценюкица шамат къоялъ Киевалда букIараб конференциялда абуна, Россиялъул президент Владимир Путиние бокьун бугин тIолго Украина бахъизе.
«Гьесда къабул гьабизе кIоларо Украиналъ кIудияб Европаялъул жамгIияталде гъорлъе жубазе гьабулеб къасд», - ян пикру гьабуна Яценюкица ва тIаде жубана – Украина цIунизе цохIого цо нух бугин – НАТО-ялде гъорлъе ин.
Жиндир иргаялда Россиялъул къватIисел ишазул министр Сергей Лавровас ТВЦ телеканалалъе интервью кьолаго, абуна жинда кколин Украиналда Цолъарал Штатазул ва Евроцолъиялъул жигаралдалъун пачалихъияб хиса-свери гьабун букIанин.