Жидеда «Исламияб пачалихъ» абулеб радикалияб къукъаялъул чагIаз июналда ккурал ГIиракъалъул солдатазул гIагараз талат къоялда гьужум гьабуна ГIиракъалъул парламенталъул минаялъе.
Нижер радиоялъул бутIалъун кколеб «Эркенаб ГIиракъ» радиоялъул мухбирас лъазабуна араб бакI лъачIого риларалин рикIкIунел гьел солдатазул гIагаразул анцI-анцI чияс тIезабун букIанин парламенталъул мина цIунулезул ирга ва гьенире жанире лъугьанин. Хадуб гьеб минаялде аскIоре рачIун руго дандечIей гьабуни жидеца къуват хIалтIизабизе бугин гьезда лъазабурал хасаб къукъаги.
Низам цIунулезда ва протесталъул акциячагIазда гьоркьоб тунка-гIуси ккеялъул лъазабиял гьечIо.
Аскариязул хъизабаз тIалаб гьабулеб буго жидер гIагаразул хIакъалъулъ информация. Гьел аскариял кверде росун рукIана Тикрит шагьаралда.
Талат къоялда парламенталъул депутатазда абуни ракIалда букIун буго цIияб хIукумат гIуцIиялъул ва улкаялъул бюджеталда хурхарал суалал дандразе.