МагъчIваялъе рес

Москваялъул борхатаб минаялъул тIогьалъул цIва басаразе кьезе бегьула 7 сон


Москваялъул полициялъ хисизабуна Котельническая къватIалда борхатаб минаялъул тогьалъул цIва басиялда хурхараб статья «вандализмалдаса» «хулиганлъиялде».

ТамихI хIисабалда бищун гIемер гьелъухъ диваналъ бихьизабизе бегьула туснахъалъул анкьго сон.

АрбагI къоялда ккун руго щаклъи бугев кIиго гIолохъанчи ва кIиго гIолохъанчIужу. Ккураз гIунтIизабулеб гIайиб нахъ чIвалеб буго, минаялде тIаде парашютгун кIанцIиялъе рахун рукIанин жалин абун.

Полициялъул лъазабиялда рекъон ккурал кколел руго Александр Погребов, Алексей Широкожухов, Евгения Короткова ва Анна Лепешкина.

20 августалъул радал Котелническая къватIалда бугеб борхатаб минаялъул тIогьалда баккун буго Украиналъул байрахъ ва цIваялъул тIасияб рахъ хъахIилаб кьералъ басун батун буго.

XS
SM
MD
LG