МагъчIваялъе рес

Франциялъ ярагъ кьолеб буго ГIиракъалъул курдазе


Франциялда ракIалда буго «Исламияб пачалихъ» абулеб радикалияб къукъагун рагъулел ругел ГIиракъалъул курдал яргъидалъун хьезаризе.

Президент Франсуа Олландил администрациялъул лъазабиялда абулеб буго гьеб хIукму Курдазул автономияб мухъалъул нухмалъиялъул гьариги къабул гьабун Багъдадгун рекъезабураб бугин.

Гьелдаса цебе Америкаялъ лъазабун букIана Вашингтон хIадураб бугин ГIиракъалъул шималияб рахъалда сверун къан хутIун вугев анцI-анцI азар чиясе эвакуация гьабизейин. Цолъарал Миллатазул ГIуцIиялъул баяназда рекъон, Синджар абулеб магIарда тIад рагIула езидазул ва христианазул 30 азарго гIанасев чи. Гьел гьенире исламистазул гьужумалдаса лъутун рукIун руго.

XS
SM
MD
LG