Украиналъул президентасул администрациялъул нухмалъулев хисулев Валерий Чалыйица "Шустер live" телепрограммаялъе интервью кьолаго, абуна шамат къоялъул къаси Россиялъул хиял букIун буго Украиналъул территориялде рекъел цIунулел аскариял рачине.
Ва гьелдалъун хIадурлъулеб букIанин кIудияб провокация.
Гьелъул кутакалда квешаб хIасилги букIине бегьулилан.
Чалыйица тIаде жубана – Украиналъул президент Петр Порошенкоца хехаб данделъи тIобитIанин рагъулал къуватазул командованиягун ва Миллияб Гвардиялъул бутIрулгун.
Гьес гьединго телефоналъ ахIанин къватIисел улкабазул цо-цо церехъабазде, Россиялъул тIадтараз гьеб хIужа нахъ чIвалебги гьечIо дурус гьабулебги гьечIо.