МагъчIваялъе рес

Газа секторалда 72 сагIтил рекъелалъул заманалдаги кьвагьдун руго


Палестинаялъул нухмалъиялъ лъазабулеб буго, Газа секторалда рекъел лъазабун кIигогIан сагIтидаса Израилалъул рагъулал кьвагьданин Рафах шагьаралдейин. Гьелъул хIасилалда ункъго палестинияв хванин I5-яв лъукъанин. Израилалъул рагъулаб идараялъул вакилас Би-Би-Сиялъе лъазабун буго, кьвагьданин гьенисан Израилалъул территориялде биччараб ракетаялъе жаваб хIисабалдайин.

Израилалъул премьер-министр Биньямин Нетаньяхуца лъазабуна, заманалъулаб рекъел лъазабун букIаниги, жидер рагъулаз ХIАМАСалъ рахъарал туннелал хвезариялъул операция халат бахъинабизе бугин.

Рузман къоялъ радал байбихьун букIана Израилалдаги ХIАМАСалдаги гьоркьоб лъазабураб 72 сагIтил рекъелалъул болжал. Вашингтоналда Цолъарал миллатазул гIуцIиялъул генералияв секретарь Пан Ги Муницаги Цолъарал Штатазул пачалихъияв секретарь Джон Керрицаги загьир гьабураб цадахъаб лъазабиялда абулеб букIана, ракълил заманалда гIадатиял гIадамазе гьабизе бугин гуманитариябги медикиябги кумекин. Гьенибе щвезабизе бугин квен-тIехх ва къачIазе ругин Газа секторалъул инфраструктураялъул аслиял объекталин.

Палестинаялъул медиказул хIисабалда Газа секторалда конфликт байбихьун лъабго анкьалда жаниб хун вуго I460 палестинияв, аслияб къагIидаялда гIадатиял гIадамал. Гьебго хаманалда жаниб Израилалъул хун вуго 63 чи. Гьезул аслияб къадар кколеб буго рагъулал.

XS
SM
MD
LG