МагъчIваялъе рес

ОБСЕялъул тоххалчагIи хIалтIизе байбихьана Украиналъулгун гIорхъода


Ростов областалда Россиялъулгун Украиналъул гIорхъода «Гуково» ва «Донецк» абурал контролалъул пунктазул тоххаллъи гьабизе байбихьана ОБСЕялъул хасаб къокъаялъ. Гьелъул хIакъалъулъ лъазабуна регионалъул нухмлъиялъулгун букIараб данделъиялда къокъаялъул бетIер Поль Пикарица.

Гьесул рагIабазда, гьабсагIаталда гьеб къокъаялда гъорлъ вуго ункъго тоххалчи ва административияб персоналъул 3 чи. ГIагарисеб заманалда, гьабураб къотIи-къаялда рекъон, къокъаялде рачIине руго тадеги тоххалчагIи.

XS
SM
MD
LG