Украиналъул нухмалъиялъ лъазабуна, хIукуматалъул къуватазда бажаранин Малайзиялъул «Боинг» бортараб бакIалда аскIоб бугеб территориялъул бутIа жидерго контролалде гъоркье босизеян. Гьедин букIаниги гьанжеги ресал раккун гьечIо халкъазда гьоркьосеб цIех-рехчагIазул къокъа гьенибе щвезе. Радал гьенире къокъун рукIана Нидерландазул экспертал. Амма гьенир тунка-гIусиял цилъун хадуб, экспертал нахъе руссине ккун руго.
«ЧIегIерал ящикIаз» бихьизабуралъ тасдикъ гьабун буго, Индонезиялъул лайнер ракета кьвагьиялъул хIасилалда бортун бугин абураб информация.
Цолъарал миллатазул гIуцIиялъул хIисабалда рекъон, Украиналъул хIукуматалъул къуватаздаги сепаратистазул гIуцIабаздаги гьоркьоб лъабго моцIалъ унел тунка-гIусиязда гIаммаб къагIидаялда хун вуго II00-ялдасаги цIикIкIун чи.
Цолъарал миллатазул гIуцIиялъул инсанасул ихтиярал цIунелеб идараялъул бетIер Нави Пиллэйица лъазабуна, Донецк ва Луганск областазда тунка-гIусиязул хIалуцин цIикIкIунеб букIиналъ тIадеги ургъел ккезабулеб бугин ва I7 июлалда гражданияб аэроплан бортизаби унго-унгояб «рагъулаб такъсир» кколин.