Европаялъул Цолъиялъул цо-цо улкабазул къватIисел ишазул министраз лъазабун буго талат къоялда Россиялъе ярагъ бичиялъе эмбарго лъазабиялъул суал борхизе ккун бугин. Гьелъие гIиллалъун ккун буго Украиналда тIад Малайзиялъул лайнер бортизаби.
Британиялъул къватIисел ишазул министр Филип Хэммондил пикруялда, гьеб трагедия ккун буго Россиялъ сепаратистазул рахъ кколеб букIиналъ ва «Евроцолъиялъ Москваялъе гьабизе ккола мухIканаб лъазаби».
Гьелда цебе Литваялъул президент Даля Грибаускайтеца какулеб букIана Франциялъ Россиялъе «Мистраль» абулел тирелоял тIасан роржунел гамул ричулел рукIин.