Гаагаялда бугеб Гражданияб диваналъ Нидерландабазда тIадаблъун гьабуна 1995 соналда Среберенницаялда чIварав 300 босниялъул бусурбабазул гIагаразе компенсация кьезе.
ДиванчIужу Лариса Алфиница нидерландабазул рекъел цIунулел аскариял гIайибияллъун рикIана рехсараб босниялъул бусурбаби чIваялда бан. Гьез гьел гIадамал Босниялъул сербазул аскариязе кодоре кьун рукIанин ва гьезда цебеккунго лъалаанин гьел чIвазе рес бугеблъи.
ГIаммаб къадаралда доб соналда Сребренницаялда микьазарго бусурбанчи чIван вугин ва гьеб бугин Дунялалъул КIиабилеб рагъдаса нахъе бищун кIудияб рагъулаб такъсирлъун.