МагъчIваялъе рес

Президент Владимир Путиница байбихьана анкьалъул турне Латин Америкаялда


Россиялъул президент Владимир Путин официалияб визитгун щвана Кубаялде.

Гавана кколеб буго Путиница Латин Америкаялде тIобитIулеб анкьалъул турнеялъул тIоцебесеб пункт. Путин данчIвалев вуго улкаялъул гIемер соназ нухмалъарав Фидель Кастрогун ва гьанже нухмалъуда вугев гьесул вац Рауль Кастрогун.

Рахъаз гъулбасулеб буго чанго цадахъал документал. Хадуб Россиялъул бетIер щолев вуго Буэнос-Айресалде.

Гьениб гьес тIоритIизе руго Аргентинаялъул нухмалъулезулгун кIалъа-басаял. Хадуб гьев щвезе кколев вуго Рио-де-Жанейроялде. Гьанив гьев гIахьаллъизе вуго Бразилиялъ 2018 соналъул дунялалъул футболалъул чемпионат тIобитIиялъул ихтияр Бразилиялъ Россиялъухъе кьеялъул церемониялда.

Бразилиялъул Форталеза шагьаралда Путин гIахьаллъизе вуго гьединго БРИКСалъул улкабазул саммиталда.

XS
SM
MD
LG