МагъчIваялъе рес

Газа секторалда Израилалъ рагъулаб операция тIобитIулеб буго


Палестиналъул нухмалъиялъ лъазабулеб буго, Израилалъул авиациялъ Газа секторалда щвезарурал кьабиязул хIасилалда , араб сордо-къоялда жаниб хванин бищун дагь босун 35 чийин, лъукъанин I50-ялдаса цIикIкIун чи. Би-Би-Си агентлъиялъул лъазабиялда рекъон, хваразда гъорлъ рагIула лъималги руччабиги.

Гьанже Израилалъул армиялъ Газа секторалда палестиналъул яргъид гIуцIаразде данде тIобитIулеб буго рагъулаб операция.

Израилалъул рахъалъ лъазабулеб буго Палестинаялъул ХАМАСалде данде операция байбихьаралдаса кьабиял щвезарунин гIуцIиялъул 430 позициялдайин.

Израилалъул улка цIуниялъул идараялъул лъазабиялда рекъон, талат къоялда палестинаялъулаз биччараб 117 ракета кьвагьун буго улкаялъул территориялда, тIадеги 45 ракета кьвагьизабун буго Израилалъул «Маххул къупа» абураб системаялъ.

XS
SM
MD
LG