МагъчIваялъе рес

Израилалда ккун вуго палестинав чIваялда щаклъи бугев анлъго чи


Израилалда полициялъ ккун вуго палестиналъул гIолилав викъиялда ва гьев чIваялда щаклъи бугев анлъго чи. Гьедин лъазабулеб буго бакIалъул Haaretz газетаялъ.

Associated Pressалъе гьатIан къоялда израилалъул официалияв хъулухъчияс лъазабун буго цIех-рехалъул хIасилалъ бихьизабулеб бугин гьев вас чIваялъул миллияб рокьукълхиялъул кьучI букIинин.

Иерусалималда арбагI къоялда батун букIана 16 сон букIарав МухIамад Абу Худайрил бухIараб жаназа.

Палестиналъулаз гьев чIваялъул гIайиб гьабулеб буго жугьутIазул радикалазда. Гьез рикIкIунеб буго Абу Худайр чIван вугин 12 июналда Ордон гIурул рагIалда рикъарал ва хадуб чIван ратарал израилалъул гIолилазухъ къисас босизелъунин. Израилалдаса балъугълъиялде вахинчIев лъабго вас чIван ватун вукIана итни къоялда. РакIалде кколеб буго Абу Худайр гьел рукъун чанго сагIаталдасан чIван вугин. Гьел лъугьа-бахъиназул хIасилалда Израилалда тунка-гIусиял ккун рукIана полициялда ва Палестиналдаса протестчагIазда гьоркьоб.

XS
SM
MD
LG