Цолъарал Штатазул президент Барак Обамаца Конгрессалдехун вуссун, гьарана Сириялъул яргъид гIуцIараб оппозициялъе хIалае 500 миллион долларалде бахунеб ассигнование кьеян абун.
Гьеб гIарац хвезабизе бугин Сириялъул президент Башар Асадиде данде чIолеб оппозициялъе ярагъ битIиялъе ва гьелъул къуватал хIадур гьариялъе гIоло.
Цолъарал Штатазул Миллияб хIинкъи гьечIолъиялъул Шураялъул вакил Кейтлин Хэйденица абулеб буго гьединаб кумек гьабизе бугин божилъи бугел къукъабазе.
Цебе цо-цо конгрессменаз абулеб букIана, гьединаб хIукму гьабуни, рес бугин ярагъ Цолъарал Штатазул тушбабазул кодобе швеялъе.