МагъчIваялъе рес

Магърибалъ лъикIаб къимат кьолеб буго Беларусалъул нухмалъиялъ А. Беляцкий эркен гьавиялъе


Евроцолъиялъ лъикIаб къимат кьуна туснахъалдаса Беларусалъул инсанасул ихтиярал цIунулев Алесь Беляцкий нахъе виччаялъул галиялъе. Гьелъул хIакъалъулъ лъазабуна Евроцолъиялъул къватIисел ишазул идараялъул бетIер Кэтрин Эштоница.

Гьелъ загьир гьабуна гьеб галиялда хадуб цогидал политикиял туснахъал эркен гьаризе рукIиналъул хьулги. Беларусалъул политикиял туснахъал эркен гьариялъ квербакъи гьабизе бегьула Евроцолъиялъулги Беларусалъулги гьоркьорлъаби лъикIлъиялъе.

AFP агенлъиялъ рикIкIунеб буго, гьединал туснахъал эркен гьариялъе гIоло Минскалде данде хIалтIизарулел санкцияби нахъе рахъиялде рачине бегьулин.

Жиндирго позитивияб къимат гьеб галиялда бан загьир гьабуна гьединго Вашингтоналъги. Цолъарал Штатаз Минск ахIулеб буго «нахъ тIамичIого ва киналгIаги шартIал лъечIого киналго политикиял туснахъал эркен гьариялде».
XS
SM
MD
LG