Словениялъул вукIарав премьер-министр туснахъалде ккана

Коррупциялъул гIайиб жинде гIунтIизабурав Словениялъул хIукмуталъул бетIерлъун вукIарав Янез Яншае бихьизабун буго туснахъалъул кIиго сон.

Диваналъ чIезабун буго гьес 2006 соналда Словениялъул армиялъе Финляндиялъул бронетехника босиялда хурхараб тендералде асар гьабун букIин.

Янша туснахъалде ккун вукIаниги, гьев хутIулев вуго Словениялъул демокртаияб партиялдаса Словениялъул парламенталъул рищиязуль кандидатазул сияхIалда тIоцевесевлъун.