МагъчIваялъе рес

Беларусалъул инсанасул ихтиярал цIунулев нахъе виччан вуго туснахъалдаса


Беларусалъул инсанасул ихтиярал цIунулев Алесь Беляцкий туснахъалдаса нахъе виччан вуго.

Щай гьев эркен гьавуравали туснахъалъул болжал рагIалде бахъинчIого лъазабулеб гьечIо.

«Вясна» абураб инсанасул ихтиярал цIунулеб централъул бетIерасе 2011 соналъул ноябралда диваналъ бихьизабун букIана туснахъалъул ункъгогун бащдаб сон «магъалаби кьунгутIиялъул» гIайибги гIунтIизабун. Беляцкий гьеб гIайибалъе мукIурлъичIо. Гьесул рахъ ккураз лъазабуна, гIайиб политикияб мотиваздалъун гIунтIизабураб бугин.

Евроцолъиялъ, Цолъарал Штатаз ва халкъазда гьоркьосел инсанасул ихтиярал цIунулел гIуцIабаз цо нухалъ гуреб тIалаб гьабун букIараб Беларусалъул нухмалъиялдаса активист эркен гьави.

Amnesty International абураб гIуцIиялъ Беляцкий лъазавун вукIна «намусалъул туснахълъун». 2013 ва 2014 соназда Беляцкий вукIана Нобелил ракълилаб премиялъул лауреатлъиялде кандидатлъун.
XS
SM
MD
LG