МагъчIваялъе рес

Нальчикалда цIех-рехалъул изоляторалда 50 чияс ракъи лъазабун буго


Гъабардагун-Балкариялъул тахшагьар Нальчикалда номер цоябилеб цIех-рехалъул изоляторалда 50-гIан бусурманчияс ракъи лъазабун буго. Гьелъие гIиллалъунги гьез рехсолеб буго гьел жанир ккун ругел шартIал гъорхъолъа ун кьваризарун рукIин. Жидерго разилъи гьечIолъиялъул гьез лъазабуна чанго информалаталдасан 12 июналда.
Эркенлъи Радиоялъе гьеб хIужжа уяблъун гьабуна ракьи лъазабуразул цоясул адвокат Лиза Шакица.
Жанир тIамурал бищунго разиял гьечIо какил хIажалъиял тIуразе ресал гьечIолъиялдаса ва рокъоса гьезие гIагараз кьолел сайгъатал гьезухъе риччалел гьечIолъиялда.
Жанир тIамураз жеги лъазабулеб буго жидее чIезарун ругел шартIал Рамазан моцI гIагарлъанагIан кьваризарулел ругин.
Нальчикалъул №1 цIех-рехалъул изоляторалда жанир ккураз ракъи лъазабун букIиналъул хIакъалъулъ гьечIо кинал рукIаниги официалиял лъазабиял.
Чачаналда Грозныялъул №1 цIех-рехалъул изоляторалда 13 чияс ракьи лъазабун букIиналъул Эркенлъи Радиоялъе бицана ракьи лъазабуразул цоясул эбелалъ. Гьезги гьедин лъазабулеб буго жидее ругел шартIазда разилъунгутIи.
XS
SM
MD
LG