МагъчIваялъе рес

Политковская чIваялда гIайиб гIунтIизабулезул адвокатаз ТIадегIанаб диваналде гlарза кьун буго


Россиялъул ТIадегIанаб диванаханаялде цебесеб диваналъул хIукмуялда тIасан гIарза кьун буго журналист Анна Политковская чIваялда гIайиб гIунтIизабулезул адвокатаз. Гьедин лъазабуна гьезул цоясул адвокат Алексей Михальчикица.
Адвокатазул пикруялда, диваналъул данделъиял унаго хвезабун букIана гIайиб гIунтIизабулел цIунизе бугеб ихтияр ва, гьезул пикруялда, гIиллаго гьечIого гьа баразул коллегиялдаса нахъе гьавун вукIана чанго гIахьалчи.
Гьа баразул хIукму кьочIоеги босун, итни къоялда Москваялъул шагьаралъул диваналъ къотIун букIана Политковскаялъул ишалда сверун гIайиб гIунтIизабулев вукIарав щуявго жанив тIамизе хIукму. Гьезул кIигоясе
- МахIмудов Рустамие ва Гайтукаев Лом-ГIалие - къотIун букIана гIумруялъго жанир тIамизе хIукму. Жеги лъабгоясе кьун буго туснахъалъул 12, 14 ва 20 сонал.
Политковскаялъул лъималазул хьул буго гьеб такъсир гьабизе тIадкъай кьурав чи жавабчилъиялде цIазе кIвезе букIиналда. Гьеб шартI тIубазегIан гьеб такъсир рагьараблъун рикIкIине гьечIо гьез. Гьедин абуна Эркенлъи Радиоялъе гьезул адвокат Анна Ставицкаялъ.
Анна Политковская чIван йикIана Москваялда 2006 соналъул 7 октябралда жиндирго рукъалъул кIалтIа.
XS
SM
MD
LG