МагъчIваялъе рес

Порошенкоца тIалаб гьабулеб буго анкьида жаниб кьвагьи чIезабизе


Украиналъул президент Пётр Порошенкоца тIалаб гьабулеб буго гьаб гIагараб анкьалда жаниб кьвагьи чIезабизе. Гьес гьединаб цебелъей гьабуна улкаялъул машрикъалъул мухъазда рекъел букIинабиялда сверун лъабго рахъалъулаб контакталъулаб къукъаялъул данделъиялда. Гьес рикIкIунеб буго Украиналъул пачалихъияб гIурхъиялъул функциял рукIухъе гьаризе кколинги.
Гьеб рехсараб къукъаялъулгун данделъи къойида жаниб гьабураб хIалтIул хIасилги гьабизеги хадусел ишал дандразеги щибаб къойил тIобитIизе кколин рикIкIунеб буго президентас. Гьеб данделъиялда гIахьаллъулел рукIана Алманиялда Украиналъул вакил Павел Климкин, Европалда рекъонхIалтIиялда ва ХIинкъигьечIолъи цIуниялда сверун идараялъул ай ОБСЕялъул Генералияв секретарасул хасав вакил Гьайди Тальявини ва Россиялъул вакил Михаил Зурабов.
XS
SM
MD
LG