МагъчIваялъе рес

15 минуталъул гара-ч1вари Франциялда гьабуна Россиялъулги Украиналъулги президентаз


Франциялда Россиялъул президент Владимир Путиница ва гьанже вищарав Украиналъул президент Петр Порошенко гьабуна 15 минуталъул гара-чIвари Нормандиялда бугеб Бенувиль абураб кIалгIаялда.

Гьелъул хIакъалъулъ лъазабулеб буго Reuters агентлъиялъ.

Франциялъул президент Франсуа Олландица лъазабуна, гьеб гара-чIвариялъ цIияб нух рагьулеб бугин Россиялъ Украиналъул цIияв бетIер къабул гьавиялъейин.

Президентал дандчIвана Дунялалъул кIиабилеб рагъул заманалда Цолъарал Штатазул, Канадаялъул ва Британиялъул десант Нормандиялда рештIун 70 сон тIубаялда хурхун тадбиралъул заманалда.

Гьебго форматалда Европаялъул лидераз гьоркьоб лъолеб буго Путинильгун, Крым Россиялде гъорлъе бачIун хадуб тIоцебесеб нухалда, Украиналъул кризис рагIалде бахъинабиялъул проблемаги.

Гьелда цеве Довилалда Россиялъул лидер данчIана Германиялъул канцлер Ангела Меркельгунги.
XS
SM
MD
LG