МагъчIваялъе рес

Россиялъул экологал данде руго экологияб экпертизаялдаса инкар гьабиялде


«Гринписалъул» активистас ТIабигIат цIуниялъул къоялда, экологияб экспертиза нахъе бахъиялъул проекталде данде тIобитIана пикет.

Хасаб къагIидаялда цIунулел тIабигIиял территориязул экологияб программаялъул нухмалъулев Михаил Крейдлиница пикет тIобитIулеб мехалда кодоб ккун букIана «ТIабигIат бокьуларев чиясе, вокьуларо инсан, гьев гражданин кколаро» абурал Достоевскиясул рагIаби хъвараб плакат.

Пикеталда хадуб Россиялъул экологаз Пачалихъияб Думаялде кьуна гьеб проекталдаса инкар гьаби тIалаб гьабулеб къагIат.

Экологазул пикруялда, нагагьлъун гьеб экологияб экспертизаялъул къануналдаса инкар гьабуни, Россиялда хутIизе гьечIо магIишаталъулал хIаракатчилъиялдаса экологияб хIинкъиязе къимат кьолеб механизм.
XS
SM
MD
LG