МагъчIваялъе рес

Абзахиялда президентасул иргадулал гурел рищиязе болжан цlан буго


Жибго жинцаго лъидаго бачIеблъун лъазабураб Абхазиялъул тахшагьар Сухумиялда президентасул администрациялъул минаялде цеве вакIарун вукIана оппозициялъул рахъ кколев нус-нус чи.
Гьез разиго къабул гьабуна республикаялъул парламенталъ президентасул иградулал гурел рищиял 24 августалда тIоритIизе гьабураб ва Абхазиялъул бетIерасул ишал тIураялъул иш Халкъияб мажлисалъул спикер Валерий Бганбеда тIадкъаялъул хIукму.
Президент Александр Анкваб вахчун вуго Гудауталда бугеб россиялъул рагъулаб базаялда. Гьев гьениве лъутун вукIана 27 маялда оппозициялъ гьесул администрациялъе гьужум гьабун хадуб.
Араб анкьалда Абхазиялъул оппозициялъ кверде босун букIана парламент ва гIуцIун букIана Заманалъулаб Халкъияб шура, гьебги республикаялда низам цIунизелъун. Абхазиялъул оппозициялъ тIалаб гьабулеб букIана, коррупциялда ва реформабазе саботаж гьабунин гьез рикIкIунеб, республикаялъул нухмалъи хIалхьиялде ин.
XS
SM
MD
LG