МагъчIваялъе рес

Донецкалда журналистал чIвана


Донецк икълималъул Славянск шагьаралда бахъараб кьвагьдеялъул хIасилалда чIван вуго Россиялъул инсанасул ихтиярал цIунулев Андрей Миронов.

«Мемориал» централъул бетIер Андрей Черкасовас нижер радиоялъе баян гьабулаго абуна, Миронов кколаанин советияб заманалъул диссидентлъун, гьев хIалтIулаан Чачанлъиялда, гIахьаллъулаан протестазул митингазда.

Гьесдаго цадахъ чIван вуго Италиялъул журналист Андрэ Ронкелли. Гьеб хIужа дурус гьабуна Италиялъул тIадтараз.

Гьединго лъукъун вуго Франциялъул мухбир. Гьадин лъазабуна Интерфакс агентлъиялъе Киевалда бугеб Франциялъул вакиллъиялъ.
XS
SM
MD
LG