МагъчIваялъе рес

Китаялда 31 чи чIвана кьвагьи ккун


Китаялъул Синьцзян-Уйгур абулеб автономияб мухъалъул тахшагьар Урумчиялда кьвагьи бахъун 31 чи чIван вуго.

90 гIанасев лъукъана. Абулеб буго, щалали лъаларез машиналде рекIун базаралдеги рачIун кьвагьулел алатал реханин. Ахирисеб мехалда бусурбаби-уйгураз гIумру гьабулеб рехсараб мухъалда зулму цIикIкIана.

Китаялъул тIадтараз абулеб буго сепаратистал-уйгураз хIинкъи кьолеб бугин ва гъозие къватIисел улкабазул радикалиял бусурбабазул гIуцIабаз квербакъи гьабулеб бугин.

Амма Китаялъул хIукумат какулезул баяналда рекъон низам биххиялъе аслияб гIиллалъун ккун бугин уйгуразде данде репрессиял гьари.
XS
SM
MD
LG