МагъчIваялъе рес

Туркиялъул шахтаялда ккараб авариялъул гIайиб букIине бегьулев 18 чи ккун вуго


Туркиялда 18 чи ккун вуго улкаялъул магърибалъул рахъалда бугеб шахтаялда авария ккеялъе багьаналъун лъугьараб тасамахIлъиялъул гIайибги гIунтIизабун.

Туркиялъул информалатазул хIисабалада, ккуразда гъорлъ руго турччол компаниялъул нухмалъиялъул вакилзабиги.

Сома шагьаралда шахтаялда ккараб кьвагьиялъул хIасилалда 13 маялда хвана 301 чи. Хвасарлъизариялъул операция рагIалде бахъана шамат къоялда.

Шахтаялда ккараб трагедиялъ улкаялда рагъаризаруна протесталъул акцияби. Гьелъул гIахьалчагIаз гIайиб гIунтIизабулеб буго Туркиялъул хIукуматалде.
XS
SM
MD
LG