МагъчIваялъе рес

Румыниялъ Россиялдаса тIалаб гьабулеб буго Рогозинил рагlабазул жаваб кьезе


Румыниялъ Россиялдаса тIалаб гьабулеб буго Россиялъул вице-премьер Дмитрий Рогозиница Преднестровьеялде бухьараб официалияб гуреб сапаралъул хIасилалда гьарурарл лъазабиязухъ жаваб кьезе.
Жидер гьавадул нухаздасан Москваялде воржине Румыниялъ гьукъараб мехалда Рогозиница Твиттералда хъван буго жинда ракIалда бугин стратегияб бомбардировщик Ту-160-ялда гьеб регионалде тIадвуссинейин.
Гьеб лъазаби Румыниялъул къватIисел ишазул министрелъиялъ рикIкIунеб буго гьанжесеб регионалияб контексталда «хIинкъи кьейлъун».
Россиялъул рагъулабгун-индустриалияб комплексалъул жаваб кьолев Рогозин восун вуго Россиялъ Крымалъе аннексия гьабун хадуб Евроцолъиялъ ва Америкаялъ жидеде данде санкциял гьарурал россиялъул хъулухъчагIазул сияхIалде.
9 маялда Приднестровьеялдаса тIадвуссараб мехалда Рогозиница лъазабун букIана жинца Тирасполалдаса Москваялде рачIанин жидее Россиялде гъорлъе лъугьине бокьун бугин Молдовалда жиб бараб гьечIин лъазабулеб Преднестроеялъул гIадамазул цIикIкIунисезул гъулбасалин.
Рузман къоялда Москваялде Рогозиница унел рукIанал гьел кагътал гьесухъа рахъун руго Молдоваялъул хасал хъулухъаз гьесул багажалъул хал гьабулаго. Амма Россиялъул политикас абулеб буго гьез арал рукIанин жиндихъ рукIарал кагътазул гьитIинаб бутIайин.
Рогозиница Молдовалъул къуватазул ишазде абулеб буго «провокацияйин».
ИТАР-ТАССалъ кьолел руго Россиялъул ва Молдовалъул гьоркьорлъабазе гьеб инциденталъул «цIакъ кIудияб хIасил» букIине бугин абурал Рогозинил рагIаби.
XS
SM
MD
LG