Ункъабилеб маялда Каспийскалъул Анжи-Аренаялда МахIачхъалаялъул «Анжи» данчIвана Грозныялдаса «Терек» командагун. Гьеб хIай махIачхъалаялъулазе цIакъ кIвар цIикIкIараб букIана, щайгурелъул цереккун тIоритIарал хIаязда гIицIго лъабго гурони бергьенлъи босичIого Анжи турниралъул таблицаялъул ахирисеб бакIалда хутIун букIана. ГIемерисез МахIачхъалаялъул клуб премьер-лигаялда нахъе араблъун рикIкIунеб букIана. Амма Анжиялъ жиндирго фанатал рохизаруна араб гьатIан къоялъ, 3:0 хIасилгун гьелъ «Терек» командаялда тIад бергьенлъи босана.
30 азарго чи жаниве гьунеб, Каспийскалда бугеб «Анжи-Аренаялда» гьеб къоялъ дагъистаниязул 12 азарго чи гурони вукIинчIилан бицана «Эркенлъиялъе» гьенив хъаравуллъун хIалтIулев вугев Каспийскалдаса Исрапилов Багирица, щайгурелъул гIемерисел божун рукIинчIин «Анжи» гьаб нухалъги бергьинин абураб жоялда.
Гьеб къоялъ гьенире рачIун рукIанин Анжиялъул унго-унгоял фанатал, команда жакъа ахирисеб бакIалда бугониги гьеб жеги бергьине букIиналда ракIчIарал гIадамал.
Гьединго Багирица абуна Россиялъул премьер-лигаялдаса «Анжи» нахъе ани гьеб хъатIизехъин бугин жибго Анжи-Аренаялда хIалтIулел гIадамаздаги, мисалалъе хъаравулзабазул штат къокъ гьабизе бугин гьеб мехалъилан абураб хабар рагIула гьениб тIибитIун.
Исрапилов Багир: «Анжи премьер-лигаялдаса къватIибе ани, стадионалда хъаравулазаби чIезариялъул магIна букIине гьечIо, гьел рукIине руго амма дагьаб къадаралда. Анжи-Аренаг гIемерисеб ижараялъе кьун хIалтIизабизе буго, квана-гьекъолел бакIал, караоке кучIдул ва гьелда релълъараб хIапу-чапур букIине рагIула гьениб».
Анжиялъ 4 маялда Терекалда тIад босараб бергьенлъи гьеб цIакъ хIажатаб ва кIвар бугеб букIанин, амма гьеб букIанин цIакъго кватIун щвараб бергьенлъиян рикIкIунеб буго «Анжи-Спорт» газеталъул бетIерав редактор ГIамирхIамзаев Гьиматица. Цереккунисел хIаязда Анжиялъул рес букIанин бергьине, амма бергьинчIин, гьанже хутIарал кIигоги дандчIваялдаса хадуб Анжиялъул премьер-лигаялда хутIизе ругел ресал ругин гьит1инал. Нижеца гьесда гьикъана гьалдаса хадуб Анжиялъул кинаб букIинесеб дуда бихьулебилан. Гьелъие гьадинаб жаваб кьуна «Анжи-спорт» газеталъул редакторас.
ГIамирхIамзааев Гьимат: «Гьеб суал жакъа буго хIакъикъаталдаги тIолаго футбол бокьулел дагъистаниязего рахIат толареб суаллъун. Дида ракIалде ккола гьелъие бищунго лъикI жаваб живго Керимовас кьелилан. Сон-церекъад баккана информация НТВ каналалъе кьураб интервьюялда Керимовас абун рагIулин жиндица клуб республикаялъул къайимлъиялда гъоркье кьзехъин бугилан, амма дихъе щварал баяназда рекъон гьеб баян Анжиялъул нухмалъиялъул рахъалдаса тасдикъ гьабулеб гьечIо.
Дидаго абуни кинабниги гIилла бихьулеб гьечIо гьес «Анжи» рехун теялъе, хIатта премьер лигаялда гьеб нахъе аниги. Щайгурелъул щуго соналъ цебе клубалъул нухмалъиялъ цебе лъуна Анжи Россиялъул бищун лъикIаб клублъун гьабизеян абураб масъала. Жакъа гьеб тIадегIанаб дивизионалдаса нахъе аниги, гьениб тIадбуссине Анжиялъе захIмалъилин кколаро. Керимовасда хадубккунги клуб цебетIезабизе ракIалда бугиланги рагIана. Гьединлъидал фанатазги дагьаб сабру гьабизе ккела, кинабго лъикI букIина».
Анжиялъул иргадулаб хIай букиIне буго маялъул 11-абилеб къоялъ, Краснодаралъул «Кубань» командагун, гьебго къоялъ дандчIвазе буго Самараялъул «Крылья Советов» абураб командаги, Казаналъул «Рубинги». Премьер-лигаялда хутIизе ккани «Анжи» бергьине ккола Краснодаралъул клубалдаса, амма чара гьечIого «Рубин» командаялъ Самараялъул клубалда тIад бергьенлъи босани гурони гьеб ресги хутIизехъин гьечIо «Анжиялъе». Гьединлъидал загIипабго букIаниги гьеб хьулалда божун руго футбол бокьулел дагъистаниял.
30 азарго чи жаниве гьунеб, Каспийскалда бугеб «Анжи-Аренаялда» гьеб къоялъ дагъистаниязул 12 азарго чи гурони вукIинчIилан бицана «Эркенлъиялъе» гьенив хъаравуллъун хIалтIулев вугев Каспийскалдаса Исрапилов Багирица, щайгурелъул гIемерисел божун рукIинчIин «Анжи» гьаб нухалъги бергьинин абураб жоялда.
Гьеб къоялъ гьенире рачIун рукIанин Анжиялъул унго-унгоял фанатал, команда жакъа ахирисеб бакIалда бугониги гьеб жеги бергьине букIиналда ракIчIарал гIадамал.
Гьединго Багирица абуна Россиялъул премьер-лигаялдаса «Анжи» нахъе ани гьеб хъатIизехъин бугин жибго Анжи-Аренаялда хIалтIулел гIадамаздаги, мисалалъе хъаравулзабазул штат къокъ гьабизе бугин гьеб мехалъилан абураб хабар рагIула гьениб тIибитIун.
Исрапилов Багир: «Анжи премьер-лигаялдаса къватIибе ани, стадионалда хъаравулазаби чIезариялъул магIна букIине гьечIо, гьел рукIине руго амма дагьаб къадаралда. Анжи-Аренаг гIемерисеб ижараялъе кьун хIалтIизабизе буго, квана-гьекъолел бакIал, караоке кучIдул ва гьелда релълъараб хIапу-чапур букIине рагIула гьениб».
Анжиялъ 4 маялда Терекалда тIад босараб бергьенлъи гьеб цIакъ хIажатаб ва кIвар бугеб букIанин, амма гьеб букIанин цIакъго кватIун щвараб бергьенлъиян рикIкIунеб буго «Анжи-Спорт» газеталъул бетIерав редактор ГIамирхIамзаев Гьиматица. Цереккунисел хIаязда Анжиялъул рес букIанин бергьине, амма бергьинчIин, гьанже хутIарал кIигоги дандчIваялдаса хадуб Анжиялъул премьер-лигаялда хутIизе ругел ресал ругин гьит1инал. Нижеца гьесда гьикъана гьалдаса хадуб Анжиялъул кинаб букIинесеб дуда бихьулебилан. Гьелъие гьадинаб жаваб кьуна «Анжи-спорт» газеталъул редакторас.
ГIамирхIамзааев Гьимат: «Гьеб суал жакъа буго хIакъикъаталдаги тIолаго футбол бокьулел дагъистаниязего рахIат толареб суаллъун. Дида ракIалде ккола гьелъие бищунго лъикI жаваб живго Керимовас кьелилан. Сон-церекъад баккана информация НТВ каналалъе кьураб интервьюялда Керимовас абун рагIулин жиндица клуб республикаялъул къайимлъиялда гъоркье кьзехъин бугилан, амма дихъе щварал баяназда рекъон гьеб баян Анжиялъул нухмалъиялъул рахъалдаса тасдикъ гьабулеб гьечIо.
Дидаго абуни кинабниги гIилла бихьулеб гьечIо гьес «Анжи» рехун теялъе, хIатта премьер лигаялда гьеб нахъе аниги. Щайгурелъул щуго соналъ цебе клубалъул нухмалъиялъ цебе лъуна Анжи Россиялъул бищун лъикIаб клублъун гьабизеян абураб масъала. Жакъа гьеб тIадегIанаб дивизионалдаса нахъе аниги, гьениб тIадбуссине Анжиялъе захIмалъилин кколаро. Керимовасда хадубккунги клуб цебетIезабизе ракIалда бугиланги рагIана. Гьединлъидал фанатазги дагьаб сабру гьабизе ккела, кинабго лъикI букIина».
Анжиялъул иргадулаб хIай букиIне буго маялъул 11-абилеб къоялъ, Краснодаралъул «Кубань» командагун, гьебго къоялъ дандчIвазе буго Самараялъул «Крылья Советов» абураб командаги, Казаналъул «Рубинги». Премьер-лигаялда хутIизе ккани «Анжи» бергьине ккола Краснодаралъул клубалдаса, амма чара гьечIого «Рубин» командаялъ Самараялъул клубалда тIад бергьенлъи босани гурони гьеб ресги хутIизехъин гьечIо «Анжиялъе». Гьединлъидал загIипабго букIаниги гьеб хьулалда божун руго футбол бокьулел дагъистаниял.
