МагъчIваялъе рес

Туркиялъул премьерас эрменазда гьарана тIасалъугьин


Туркиялъул премьер-министр Реджеп Тайип Эрдоганица Дунялалъул тIоцебесеб рагъ унеб мехалда чIварал эрменазул азар-азар гIагаразда официалияб къагIидаялда гьарана тIасалъугьин.

Эрменал нахъе къотIизе байбихьаралдаса 99 сон тIубаялда хурхараб гьабураб лъазабиялда Эрдоганица абуна, 1015 соналъул лъугьа-бахъиял рукIанин «вахIшиялин ва гьеб гьанже кIиябго улкаялъе гIаммаб рокIол унти кколин».

Reuters агентлъиялъ, Туркиялъул премьер-министрасул вакиласда базабун, лъазабулеб буго, Эрдоганица гьединаб рагьараб зигара тIоцебесеб нухалъ гьабулеб бугин.

Эрмениялъ гIамал гьабулеб буго Туркия мукIурлъизабизе Дунялалъул тIоцебесеб рагъул заманалда эрменазул кIудияб къадар чIвай геноцид букIиналда. Амма Анкараялъ гьеб терминалдаса чIван къотун инкар гьабулеб буго.
XS
SM
MD
LG