МагъчIваялъе рес

М. Федотовас В. Матвиенко ахIулей йиго "блоггеразул къанун" нахъ чIваялде


Инсанасул ихтияразда сверун президентасул мажлисалъул бетIер Михаил Федотовас Федерациялъул Мажлисалъул бетIер Валентина Матвиенко ахIана блогеразда хурхараб къануналъул проект нахъ чIваялде.

Гьелъухъе хъвараб къагIтида, Федотовас лъазабулеб буго, гьеб къанун данде кколеб гьечIин жакъасеб интернеталъул техникияб ва къануназул тIабигIатаздейин.

Парламенталъул гъоркьияб палатаялъ талат къоялда къабул гьабуна «антитеррористияб пакеталъул» интернеталда информация лъолел шартIал рукIалиде рачунеб къануналъул проект. Гьелъ, мисалалъе, блогеррал ращад гьарулел руго информалатазда. Гьелда рекъон, сордо-къоялда жаниб 3000 чияс рагьулеб хасаб сайт бугел ва социалиял сурсатазда жидерго гьумерал ругел гIадамазда тIадаб рагIула СМИялъул къанун тIубазабизе.

«Роскомнадзоралъул» бетIер Александр Жаровас арбагI къоялда лъазабун буго, жидер идараялъ гьеб къанун жидерго хасаб бербалагьи бугезде данде хIалтIзабизе гьечIин.
XS
SM
MD
LG