МагъчIваялъе рес

Обама гlемерго разияв гьечlо Женеваялъул кlалъа-ралъаязул хlасилазда


Америкаялъул президент Барак Обамаца лъазабуна Женеваялда Украиналъул кризисалда бан букIараб ункъго-рахъалъулаб данделъиялъул хIасилаз гьитIинаб бугониги хьул лъезабулеб бугин гьеб ахIвал-хIал рукIалде бачине кIвезе букIиналда банин. Аммаян тIадеги жубана Обамаца кинабгобараб букIине бугин Россиялда. Гьелъул цебесеб хьвада-чIвадиялъухъ балагьунги оптимизмалъе гIиллаби дагьал ругин.
Америкаялъул, Россиялъул, Украиналъул ва Евроцолъиялъул къватIисел ишазда сверун идарабазул бутIрул гIахьаллъараб гьеб данделъиялъе Обамаца къимат кьолеб букIана ахрисеб чанго моцIалда жаниб кьураб тIоцебесеб пресс-конференциялда.
XS
SM
MD
LG