МагъчIваялъе рес

Женеваялда байбихьана Украиналда сверун ункъго-рахъалъулал кIалъа-ралъаял


Хамиз къоялда Женеваялда байбихьана Украиналда сверун ахIвал-хIал рукIалиде бачинелъун гьарулел ункъго-рахъалъулал кIалъа-ралъаял. Гьезда гIахьаллъулел руго Америкаялъул, Россиялъул, Украиналъул ва Евроцолъиялъул вакилзаби.
Россиялъул делегациялъе бетIерлъи гьабулеб буго къватIисел ишазул министр Сергей Лавровас, Америкаялъул делегациялъе-пачалихъияв секретарь Джон Керрица, Украиналъул делегациялъе – къватIисел ишазул министрасул ишал тIуразарулев Андрей Дещица, Евросоюзалъул делегациялъе – къватIисеб политикаялъул идараялъул нухмалъулей Кэтрин Эштоница.
Женеваялде щварабго Дещица абун букIана жинца Москваялдаса тIалаб гьабизе бугин Украиналда террористияб багъа-башариялъе гьабулеб кверчIвай чIезе тей ва Украиналъул гIорхъода аскIоса аскарал нахъе рачин.
Гьесул рагIабазда рекъон, Киев разияб буго Москвагун кIалъа-ралъаял гьаризе, амма Россиялъул ихтияр гьечIо Украиналъе нухмалъи гьабизе кколеб куцалда хурхун тIадецуй гьабизе.
XS
SM
MD
LG