МагъчIваялъе рес

Америкаялъ Япониялде битIулеб буго тIадеги кIиго гама


Цолъарал Штатаз Япониялде битIулеб буго тIадеги кIиго гама, Шималияб Кореялъ, Вашингтоналъ абухъего «провокациялъулабгун дестабилизациялъул» галаби гьариялъул фоналда.

Япониялъул коллегагун данчIван хадуб, Америкаялъул улка цIуниялъул министр Чак Хэйгелица лъазабуна, «баллистиял ракетаби тIад ругел эсминцал рачIине ругин Япониялъул рагIаллъабаздейин». Гьаб заманалде гьеб улкаялъул базабазда буго Америкаялъул щуго гама.

Марталда Шималияб Кореялъ биччана гьоркьохъеб манзилалде гIунтIулеб кIиго баллистияб ракета. Гьез рес кьолеб буго Япониялда кьаби щвезабизе. Регионалда ахIвал-хIал хутIулеб буго хIалуцараблъун.

Марталдаго кIиябго Кореялъ артиллериялъул кьабиял щвезаруна цоцал территориязда ралъдал гIорхъабазда асIекоб Пхеньяналъ рагъулазул рагьунлъиял тIоритIулеб мехалда.
XS
SM
MD
LG