МагъчIваялъе рес

Сириялдаса Ливаналде лъутаразул къадар цIикIкIун буго миллион чиясдасаги


Ливаналде лъутIарал Сириялъул гIадамазул къадар цIикIкIун буго миллион чиясдасаги.

Хамиз къоялда бахъараб ООНалъул жидерго бакIал тун лъутизе ккаразул ишазул идараялъул лъазабиялда абулеб буго, халкъалъул къадаралде балагьун Ливан жакъа дунялалда тIоцебесеб бакIалда бугин гьелъ къабул гьарурал лъутаразул къадар босунин.

Лъазабулеб буго, щибаб къойил улкаялде Сириялдаса кIиазаргогIанав чи вачIунев вугин.

Цолъарал миллатазул гIуцIиялъул идараялъул бетIер Антонио Гутеррешица лъазабуна, лъутIизе ккаразул гьединаб кIудияб къадаралъе гIоло Ливаналъул экономикаялда захIмалъаби загьирлъулел ругин.
XS
SM
MD
LG